Ուկրաինայի նախագահ Վլադիմիր Զելենսկին վերջին պահին չեղարկել է իր ծրագրված ելույթը երեքշաբթի երեկոյան տեսահղումով ամերիկացի սենատորների հետ, հանդիպումից առաջ կայացած մամուլի ասուլիսում ասել է ԱՄՆ Կոնգրեսի վերին պալատի դեմոկրատ առաջնորդ Չակ Շումերը։ Հեռարձակվում է C-SPAN-ով:

«Զելենսկին, ի դեպ, չի կարողանա գալ մեր ճեպազրույցին. վերջին պահին ինչ-որ բան է տեղի ունեցել»,- ասել է նա։

Շումերը նախօրեին հայտարարել էր, որ Զելենսկիին հրավիրել է խոսել սենատորների հետ։ Նա նաև հայտարարեց նախագահ Ջո Բայդենի՝ Ուկրաինային, Իսրայելին և մի շարք այլ նպատակների համար լրացուցիչ 106 միլիարդ դոլար օգնություն տրամադրելու խնդրանքի քվեարկության մասին։ Ինչպես գրում է Politico-ն, Ուկրաինայի նախագահը պատրաստվում էր հանդես գալ «միլիարդավոր դոլարների օգնության ևս մեկ առաջարկով»։

Bloomberg-ը նշում է, որ Զելենսկու ելույթը չեղարկվել է այն բանի ֆոնին, որ Կոնգրեսում Ուկրաինային օգնելու համար նոր միջոցների հատկացման շուրջ բանակցությունները «մտել են փակուղի»։ Մասնավորապես, հանրապետականները սպառնացել են արգելափակել հատկացումների օրինագիծը, որը ֆինանսավորում չի նախատեսում սահմանապահ ծառայության համար: Շումերը խոստացել է հրատապ օգնության միասնական փաթեթ ներկայացնել Ուկրաինայի, Իսրայելի և Թայվանի համար, ինչպես նաև ֆինանսավորում ԱՄՆ սահմանապահ ծառայությանը։