Ուր է ուղղվելու ԵՄ-ից Հայաստանին հատկացվելիք 11 մլն եվրոն

Եվրամիությունը Հայաստանին 11 մլն եվրո կհատկացնի արդարադատության ոլորտում բարեփոխումների համար։ Նախագիծը հաստատվել է Կառավարության նիստում։

Հայաստանի և Եվրահանձնաժողովի միջև կնքված համաձայնագիրը նախատեսում է ֆինանսական աջակցություն ԵՄ-ից՝ 9 մլն եվրոյի չափով։ Եվս 2 միլիոն եվրո կտրամադրվի ծրագրի լրացուցիչ աջակցության համար։ 

Ծրագիրն արդարադատության ոլորտի կառավարման մեխանիզմների (բարեվարքության ստուգում բոլորի համար, հաշվետվողականության մեխանիզմներ, անկախություն) համապատասխանեցմանը ոլորտի համար է նախատեսված եվրոպական չափանիշներին, ներառյալ` դատական, դատախազության և քննչական մարմինների մասով, քրեական արդարադատության համակարգի համապատասխանեցմանը եվրոպական չափանիշներին, այդ թվում՝ գենդերային հարցերի մասով, հակակոռուպցիոն ինստիտուտների համապատասխանեցմանը միջազգային չափանիշներին։ Նախատեսվում է նաև անկախ և անաչառ արբիտրաժային կենտրոնի ստեղծում:

Ծրագրի իրականացման ժամկետն է 4 տարի։