ՏԵՍԱՆՅՈՒԹ․ Գերմանիայի նախագահին «մոռացել» են դիմավորել Կատարի օդանավակայանում

Կատարում արտասովոր միջադեպ է տեղի ունեցել, որը զարմացրել է տեղի հանրությանը։ Այն բանից հետո, երբ Գերմանիայի նախագահը ժամանել է տեղի օդանավակայան, նրան ոչ ոք չի դիմավորել։

Նախօրեին Գերմանիայի նախագահ Ֆրանկ-Վալտեր Շտայնմայերն այցելել է Քաթար։ Ժամանելուց անմիջապես հետո Գերմանիայի ղեկավարն անսպասելի ընդունելության է բախվել։ Բանն այն է, որ օդանավակայանում պաշտոնական ներկայացուցիչներից ոչ ոք չի եղել։ Կես ժամ շարունակ երկրի ղեկավարը կանգնել է ինքնաթիռի դռան մոտ՝ սպասելով դիվանագետներին։ 

Չնախատեսված ուշացումը շատ հարցեր է առաջացնում։ Որպես կանոն, նման այցերի նախապատրաստումը կատարվում է ամենաբարձր մակարդակով, իսկ հանդիպմանը դիվանագետները պատրաստվում են նախօրոք, և նման սխալը շատ լուրջ վրիպում է Կատարի ներկայացուցիչների համար:

Որոշ լրատվամիջոցներ կասկածում են, որ տեղի ունեցածը պատահականություն չէ, այլ դիտավորյալ արհամարհանք կամ նախագահին իր և իր գործողությունների նկատմամբ իրական վերաբերմունք ցույց տալու փորձ:

Չնայած տեղի ունեցածին՝ Էմիր Թամիմ բեն Համադ Ալ Թանիի հետ հանդիպումն անցել է ըստ պլանի։ Հնարավոր է՝ օդանավակայանում տեղի ունեցած միջադեպը որևէ կերպ չի ազդել բուն նիստի ընթացքի վրա։