Զախարովան՝ Հայաստանի գործողությունների մասին
Ռուսաստանի ԱԳՆ ներկայացուցիչ Մարիա Զախարովան կոչ է արել սպասել Հայաստանի վարչապետ Նիկոլ Փաշինյանի կոնկրետ գործողություններին: Ամենշաբաթյա ճեպազրույցում նա պատասխանել է NEWS.ru-ի հարցին ԵԱՏՄ նիստին և ԱՊՀ ոչ պաշտոնական գագաթնաժողովին նրա հնարավոր մասնակցության մասին, որը տեղի կունենա դեկտեմբերին Սանկտ Պետերբուրգում:
Դիվանագետի խոսքով՝ պետք է դիրքորոշում ձևավորել և մեկնաբանել հայկական իշխանությունների գործողությունները ելնելով իրականությունից:
«Այստեղ պետք է ելնել ոչ թե հույսերից, այլ կոնկրետ փաստերից», – պարզաբանել Է Զախարովան։
Ավելի վաղ ՌԴ նախագահի օգնական Յուրի Ուշակովը հայտարարել էր, որ Փաշինյանը կարող է գալ Սանկտ Պետերբուրգ՝ ԱՊՀ երկրների ղեկավարների ոչ պաշտոնական ավանդական հանդիպմանը: Նա հույս է հայտնել, որ Հայաստանի վարչապետը կգա ՌԴ նախագահ Վլադիմիր Պուտինից էստաֆետային գավազան ընդունելու և նիստի ժամանակ նախագահ դառնալու համար: Մեկնաբանելով Ռուսաստանի նախագահի հնարավոր այցը Հայաստան՝ Ուշակովը հայտարարել է, որ դա կարող է տեղի ունենալ «մի օր»:
