ՏԵՍԱՆՅՈՒԹ․ Բաբայանը մեղադրում է ՀՀ իշխանությանը՝ Արցախի հանձնման համար
Արցախը մենք բոլորս միասին հանձնեցինք Ադրբեջանին։ Այս մասին Ազգային ժողովում լրագրողների հետ ճեպազրույցում ասաց Արցախի ՊԲ նախկին հրամանատար, նակխկին ԱԽ քարտուղար Սամվել Բաբայանը։
«Դուք էլ եք հանձնել, որ 20 տարի էդ Արցախը խեղել եք, չեք թողել՝ որևիցե մի բան արվի (իշխանության հետ միասին)»,- ասաց Բաբայանը։
Բաբայանը պարզաբանեց՝ նկատի ունի Արցախի, Հայաստանի իշխանությունները՝ ժողովրդի հետ միասին։ Լրագրողի հարցին՝ Նիկոլ Փաշինյանի՞ն էլ նկատի ունի այս ցանկում, Բաբայանը պատասխանեց. «Այո՛, բոլորին»։
«Դուք ուղիղ մեղադրու՞մ եք Հայաստանի իշխանությանն Արցախը հանձնելու մեջ»,-հարցրեց լրագրողը։
«Իհա՛րկե, բա հո ձեզ չե՞մ մեղադրելու»,- ի պատասխան նշեց Բաբայանը։
Նշենք, որ Բաբայանն այսօր մասնակցում է ԱԺ 44-օրյա պատերազմի հանգամանքները քննող հանձնաժողովի նիստին։
Մանրամասները՝ տեսանյութում։
