Նրանք ցեղասպանություն են գործել 2 միլիոն մարդու դեմ․ Էրդողան
Թուրքիայի նախագահ Ռեջեփ Թայիփ Էրդողանը հայտարարել է, որ Իսրայելի վարչապետ Բենյամին Նեթանյահուն և նրա կողմնակիցները պատմության մեջ կմտնեն որպես Գազայի դահիճներ: Տեղեկությունը փոխանցում է ՌԻԱ Նովոստին։
«Նրանք ցեղասպանություն են գործել երկու միլիոն մարդու դեմ, Գազան վերածել են բաց երկնքի տակ գտնվող բանտի՝ զրկելով նրանց սննդից, էլեկտրականությունից և ջրից։ Նրանք այրել և ավերել են Գազան։ Նրանք կատարել են ամեն տեսակի վայրագություններ։ Գազայի հատվածի շենքերի 2/3-ը փլուզվել է։ Ավերվել են կրթության և առողջապահության ենթակառուցվածքները։ Նեթանյահուն և նրա կողմնակիցներն արդեն իրենց անունը պատմության մեջ գրել են որպես Գազայի «մսագործներ»»,- ասել Է Էրդողանը՝ այսօր ելույթ ունենալով խորհրդարանում իշխող կուսակցության նիստում:
