«Դե, ես էլ ասում եմ պետք է արտադրենք»․ Քեոբյանը հակադարձեց լրագրողին

ԵԱՏՄ–ում մնալը չի խանգարում Հայաստանին Եվրոպական միության երկրների հետ առևտուր անելու, արտահանումներ իրականացնելու համար։ Այս մասին լրագրողների հետ ճեպազրույցում ասաց ՀՀ էկոնոմիկայի նախարար Վահան Քերոբյանը։

«ԵԱՏՄ-ում մնալը բացարձակ ոչ մի կապ չունի։ Եթե դուք նայեք ԵԱՏՄ մյուս երկրներին, կտեսնեք։ Օրինակ` Ղազախստանը հավասար առևտուր է անում Ռուսաստանի և Չինաստանի հետ»,– նշեց Քերոբյանը։  

Նախարարի խոսքով՝ Հայաստանը Եվրամիության երկրներ էլ կարող է շատ ապրանքներ արտահանել և արտահանում է։

Լրագրողներից մեկը դիտարկում արեց, որ Հայաստանը Եվրոպական միության ստանդարտներին համապատասխան ապրանք չի արտադրում, ինչպես կարող է արտահանել։

«Ինչո՞ւ չի կարող արտադրել։ Դե, ես էլ ասում եմ պետք է արտադրենք»,– հակադարձեց Քերոբյանը՝ հրաժարվելով այլ հարցերի պատասխանել։

Քերոբյանը խոսեց նաև Լարսի մասին։ 

«Լարսի հարցում քաղաքական խնդիր չեմ տեսնում»,- նշեց նա։

Մանրամասները՝ տեսանյութում։