ՏԵՍԱՆՅՈՒԹ․ «Խնդիրը կա»․ Սանոսյանը՝ Վերին Լարսում իրավիճակի մասին
Կան նույն բեռներով բեռնված բեռնատարներ, որոնց մի մասն անցնում է, մյուս մասը` ոչ։ Այս մասին ասել է ՀՀ տարածքային կառավարման և ենթակառուցվածքների նախարար Գնել Սանոսյանը՝ մեկնաբանելով Վերին Լարսի անցակետում տիրող իրավիճակը։
«Խնդիրը կա, և, այո՛, կան նույն բեռներով բեռնված բեռնատարներ, որոնց մի մասն անցնում է, մյուս մասը` ոչ։ Գործընկերները որոշակի բեռի ուսումնասիրություն են կատարում և որոշակի խնդիրներ են տեսնում»,- ասաց Սանոսյանը։
Նախարարի խոսքով` բեռնատարներում հիմնականում գյուղմթերք է։
Հարցին՝ արդյոք խնդիրը քաղաքական դրդապատճառ ունի, նախարարը պատասխանեց` ռուսական տեսչությունը սահմանին տվյալ ապրանքների հետ կապված որոշակի մասնագիտական խնդիրներ է տեսել, ՀՀ համապատասխան մարմիններն էլ աշխատում են այդ գործընկերների և տնտեսվարողների հետ։
Մանրամասները՝ տեսանյութում։
