Սա արդեն մի 8 անգամ ասել ենք․ Սիմոնյանը՝ Արցախի հարցի մասին
Հայաստանը լիակատար ճանաչում է Ադրբեջանի տարածքային ամբողջականությունը` ԼՂ–ն մեջը։ Այս մասին ԱԺ–ում ճեպազրույցի ժամանակ հայտարարեց ՀՀ ԱԺ նախագահ Ալեն Սիմոնյանը։
«Սա արդեն մի 8 անգամ ասել ենք վերջին մեկ–երկու տարվա ընթացքում։ էլ Ի՞նչ է պետք ասել»,– նշեց ԱԺ նախագահը։
Նա նաև հայտարարեց, որ Լեռնային Ղարաբաղի հարց Հայաստանի համար գոյություն չունի:
«Ի՞նչ է նշանակում՝ Արցախի հարցը լուծված է։ Ո՞րն է Արցախի հարցի հանգուցալուծումը կամ չլուծվածությունը. Հայաստանի Հանրապետությունը նման հարց հիմա չունի»,– ասաց Սիմոնյանը։
