Հայաստանն իր համար արդեն գծել է կարմիր գիծ․ ԱԺ նախագահ
Հայաստանն իր համար արդեն գծել է կարմիր գիծ, դա Հայաստանի 29 հազար 800 քառ. կմ տարածքն է: Լրագրողների հետ ճեպազրույցում այս մասին ասաց Ազգային ժողովի նախագահ Ալեն Սիմոնյանը։
Հայաստանի ազգային ժողովի նախագահ Ալեն Սիմոնյանը չի հասկանում, թե Հայաստանի հետ խաղաղության պայմանագրի շուրջ բանակցությունների տարբեր ֆորմատներից խուսափելը, ժամանակ ձգելն ինչ է տալու Ադրբեջանին:
«Կարմիր գիծը գծված է, որ Հայաստանի ինքնիշխան տարածքից որևիցե կտոր չի զիջվելու: Իրենք հաճախ խոսում են օրինակ 4 գյուղերի մասին, բայց մենք ունենք 31 գյուղ, որոնց տարածքները կամ ամբողջությամբ կամ մասամբ գտնվում են Ադրբեջանի օկուպացիայի տակ: Մենք էլ պետք է հիմա 31 գյուղերի մասին խոսենք»,-նշել է նա:
Նշենք, որ Ադրբեջանի նախագահ Իլհամ Ալիևը վերջին շրջանում հրաժարվում է արևմտյան հարթակներում նախաձեռնվող բանակցություններից։
