Ադրբեջանի արձագանքը` Ալեն Սիմոնյանի այսօրվա հայատարարություններին
Ադրբեջանի Միլի Մեջլիսը անդրադարձել է ՀՀ ԱԺ նախագահ Ալեն Սիմոնյանի
այսօրվա հայտարարությանը։
Ինչպես հայտնում է ադրբեջանական ԱՊԱ գործակալությունը, Ադրբեջանի
խորհրդարանի հայտարարությունում ընդգծվում է, որ ՀՀ ԱԺ նախագահ Ալեն Սիմոնյանը՝ «խեղաթյուրելով
տարածաշրջանում տեղի ունեցող իրողությունները, կարծիքներ է հայտնել, որոնք հեռու են
ճշմարտությունից»։
Նշվում է, իբրև թե այս կերպ ՀՀ ղեկավարությունը «ձգտում է գրավել
իր օտարերկրյա հովանավորների ուշադրությունը»։
Ադրբեջանից հայտարարում են նաև, որ Սիմոնյանը փորձում է «ջնջել
Ադրբեջանի միջազգայնորեն ճանաչված տարածքները 30 տարի Հայաստանի կողմից օկուպացված
լինելու փաստը և ապագային նայելու քողի տակ հայոց պատմության այս սև կետը հանել
միջազգային հանրության օրակարգից»։
