ՌԴ-ի հետ համագործակցության համար ԱՄՆ-ը կարող է պատժամիջոցներ սահմանել Թուրքիայի դեմ. Bloomberg
Հաջորդ շաբաթ ահաբեկչության դեմ պայքարի և ֆինանսական հետախուզության հարցերով ԱՄՆ ֆինանսների փոխնախարար Բրայան Նելսոնը կայցելի Թուրքիա՝ քննարկելու ռուսական կազմակերպությունների դեմ ամերիկյան պատժամիջոցները: Այդ մասին հայտնում է Bloomberg-ը՝ վկայակոչելով իր աղբյուրները:
Ըստ գործակալության տեղեկեությունների՝ փոխնախարարը Թուրքիային կխնդրի հետևել ԱՄՆ պատժամիջոցներին ռուսական մի շարք կազմակերպությունների և ՀԱՄԱՍ-ի ֆինանսական գործունեության դեմ:
Ավելի վաղ Վաշինգտոնը պատժամիջոցներ էր սահմանել մոտ մեկ տասնյակ թուրքական ընկերությունների և որոշ ֆիզիկական անձանց դեմ՝ սահմանափակումները շրջանցելու հարցում Ռուսաստանին օգնելու համար:
Նշվում է, որ ԱՄՆ-ը նախազգուշացրել է մի շարք թուրքական ընկերությունների հնարավոր պատժամիջոցների մասին, որոնք կարող են խաթարել իրենց կապերը արևմտյան ֆինանսական համակարգի հետ:
