Էլեկտրաշարժիչով մեքենաները 2 տարով ազատվեցին ԱԱՀ–ից և մաքսատուրքից

Ազգային ժողովը արտահերթ նիստում ընդունեց էլեկտրաշարժիչով մեքենաները 2 տարով ԱԱՀ–ից և մաքսատուրքից ազատելու մասին ՀՀ կառավարության ներկայացրած նախագիծը։ Էլեկտրամոբիլների ներմուծումն ու օտարումը ԱԱՀ–ից ազատված էին մինչև 2024 թվականի հունվարի 1–ը։

2022 թվականին Հայաստան է ներմուծվել 3455 էլեկտրաշարժիչով մեքենա, իսկ 2023 թվականին` 4195, որը 20 տոկոսով ավելի է նախորդ տարվանից։ 2024 և 2025 թվականների համար ԵԱՏՄ–ում քննարկվում է Հայաստանին տրամադրել էլեկտրաշարժիչով մեքենաների 8000–ական քվոտա։

Կառավարությունը քննարկումներ է անցկացնում ՀԷՑ–ի և լիցքավորման կայանների ղեկավարության միջև, թե ինչպես կարող են իրականացնել էլեկտրաշարժիչով մեքենաների լիցքավորման գործընթացը։