Երեխաներին էքսկուրսիա տանող ավտոբուսի վթարի ականատեսը որոշ մանրամասներ է ներկայացրել

Աշտարակ-Սասունիկ ճանապարհին, այսօր՝ հունիսի 17–ին, երեխաներին էքսկուրսիա տանող ավտոբուսի վթարի ականատեսը որոշ մանրամասներ է ներկայացրել։

«Ավտոբուսը այն կողմից եկել է, իսկ Մերսեդեսը հանդիպակած է դուրս եկել ու մտել է ավտոբուսի մեջ։ Բախումից ավտոբուսը շուռ է եկել, ու մեջի եղածը թափվել է դուրս։ Ավտոբուսը հանգիստ գնալուց է եղել»,–ասել է նա։

Հիշեցնենք` Ավելի վաղ հայտնել էինք, որ այսօր՝ հունիսի 17-ին, Ժամը 12:00-ի սահմաններում Աշտարակ քաղաքի Տիգրան Մեծ փողոցի 104 հասցեի դիմաց բախվել են «Mercedes Sprinter» ու «Hyundai County» մակնիշի ավտոմեքենաները։

«Hyundai County» մակնիշի ավտոմեքենայում եղել է մոտ 18 ուղևոր, հիմնականում` երեխաներ, որոնք «Տելակ» ամառային ճամբարից ուղևորվում էին Կարին գյուղ։

Առողջապահության նախարարությունից հայտնել են, որ վթարի հետևանքով բուժօգնության է դիմել 30 երեխա և 6 մեծահասակ: Բոլոր տուժածները մարզային բուժկենտրոնում անցել են անհրաժեշտ հետազոտությունները և դուրս են գրվել: Կազմակերպվել է 3 երեխայի տեղափոխումը Երևան՝ լրահետազոտման։ Բժիշկների գնահատմամբ՝ կյանքին սպառնացող վտանգ առկա չէ։