Ռուսաստանում կվերահսկվեն բոլոր բջջային հեռախոսները

Ռուսաստանում յուրաքանչյուր հեռախոսին կտրամադրվի հատուկ համարանիշ, իսկ սեփականատերերին կներառեն տվյալների բազա: Դաշնության խորհուրդը հավանություն է տվել բջջային սարքերի եզակի նույնականացուցիչների՝ IMEI-ի տվյալների բազայի ստեղծման մասին օրենքին։

Այժմ յուրաքանչյուր սմարթֆոն պետք է գրանցված լինի միասնական ռեեստրում։ Այն սարքերը, որոնք չեն հայտնվի բազայում, կարող են ճանաչվել անօրինական և զրկվել կապի օպերատորների կողմից սպասարկումից։

Փոփոխությունները կվերաբերեն նաև օգտագործված տեխնիկայի շուկային։ Հեռախոսը վաճառելուց առաջ սեփականատերը ստիպված կլինի անջատել ԻՄԵԻ-ն իր ՍԻՄ քարտից, այլապես նոր տերը կարող է խնդիրների բախվել կապին միանալիս։

Պաշտոնապես նորամուծությունը բացատրվում է խարդախների դեմ պայքարով։