Հայաստան էլեկտրական շարժիչով մեքենաներ ներմուծելու և օտարելու համար արտոնյալ պայմանները կգործեն ևս մեկ տարի
Հայաստան էլեկտրական շարժիչով տրանսպորտային միջոցներ ներմուծելու և օտարելու համար սահմանված արտոնյալ պայմանները կգործեն ևս մեկ տարի, արտոնության ժամկետը երկարաձգվում է մինչև 2025-ի հունվարի 1-ը: ԱԺ արտահերթ նիստում ներկայացրեց Էկոնոմիկայի փոխնախարար Նարեկ Տերյանը ներկայացրեց ՀՀ հարկային օրենսգրքում լրացում կատարելու մասին օրենքի նախագիծը:
«Նախագծի ընդունումը պայմանավորված է էլեկտրական շարժիչով տրանսպորտային միջոցների ներմուծումն ու օտարումը ավելացված արժեքի հարկից ազատելու մասով գործող օրենսդրական նորմը ևս մեկ տարով երկարաձգելու անհրաժեշտությամբ: Ներկայումս էլեկտրական շարժիչով տրանսպորտային միջոցներն ազատված են ավելացված արժեքի հարկի վճարումից մինչև 2024թվականի հունվարի 1-ը: Նախագծով առաջարկվում է այդ արտոնությունը երկարաձգել ևս մեկ տարով՝ մինչև 2025թվականի հունվարի 1-ը»,-մանրամասնեց փոխնախարարը:
Ավելացված արժեքի հարկից և մաքսատուրքի վճարումից ազատման արդյունքում աճել են էլեկտրական շարժիչով տրանսպորտային միջոցների Հայաստան ներմուծման ծավալները:
2022-ին ներմուծվել է 2681 միավոր էլեկտրական շարժիչով տրանսպորտային միջոց, ինչը 2021-ի համեմատ աճել է 42.3 տոկոսով: Իսկ 2023-ի հունվար-նոյեմբերին ներմուծումը երրորդ երկրներից կազմել է մոտ 4496 միավոր, որը 2022-ի նույն ժամանակահատվածի համեմատ աճել է 2 անգամ:
