Պեսկովը՝ Պուտինի նախագահական ընտրություններում առաջադրվելու մասին

Ռուսաստանի նախագահի մամուլի քարտուղար Դմիտրի Պեսկովը հույս ունի, որ Վլադիմիր Պուտինը կառաջադրվի նախագահական նոր ժամկետի համար, և վստահ է նրա հաղթանակին: Տեղեկությունը փոխանցում է ՏԱՍՍ-ը։

Կրեմլի ներկայացուցչի խոսքով՝ դժվար է ասել, թե արդյոք պետության հաջորդ ղեկավարը կկարողանա իր պաշտոնում պահպանել այն ամենը, ինչին հասել Է Պուտինը:

«Պուտինը դեռ չի հայտնել առաջադրվելու իր մտադրության մասին։ Բայց ես անկեղծորեն ուզում եմ հավատալ, որ նա կանի դա: Ես չեմ կասկածում, որ նա կհաղթի ընտրություններում, չեմ կասկածում, որ նա հետագայում կլինի մեր նախագահը։ Իսկ այնտեղ կերեւա»,- նշել Է Պեսկովը «ՄԳԻՄՈ 360» ուսանողական տեղեկատվական ալիքին տված հարցազրույցում։ 

ՌԴ նախագահի ընտրությունները անցկացվելու են 2024 թվականի մարտի 17-ին։  Դաշնային խորհուրդը ընտրությունների օրվա վերաբերյալ պաշտոնական որոշում կկայացնի 2023 թվականի դեկտեմբերին, որից հետո քաղաքական կուսակցությունները պետք է անցկացնեն իրենց նախընտրական համագումարները և պաշտոնապես առաջադրեն թեկնածուներին: Պուտինն իրավունք ունի առաջադրվել նոր ժամկետով, սակայն դեռ չի խոսել այդ հարցով իր որոշման մասին: