Ֆրանսիան «խստորեն զգուշացրել է» Իրանին
Ֆրանսիան «խստորեն զգուշացրել է» Իրանին մերձավորարևելյան հակամարտության ցանկացած սրացումից, հատկապես Լիբանանում։
Գազայի հատվածում հակամարտության ընդլայնումը ոչ մեկին օգուտ չի բերի, և «Իրանը ծանր պատասխանատվություն է կրելու»։ Այս զգուշացումն իրանցի գործընկերոջ հետ զրույցում հնչեցրել է Ֆրանսիայի արտգործնախարար Քեթրին Կոլոնան։
Նա պնդում է, որ ՀԱՄԱՍ-ի հարձակումները Իսրայելի բնակչության դեմ պետք է դատապարտվեն առանց որևէ երկիմաստության՝ որպես «անհիմնավորված և անընդունելի»:
Հատկանշական է, որ նախօրեին Մերձավոր Արևելքի և Հյուսիսային Աֆրիկայի երկրներում Ֆրանսիայի մոտ տասը դեսպաններ «անհամաձայնության նոտա» էին հղել Մակրոնի վարչակազմին։
Ֆրանսիան ավանդաբար ձգտում է հավասարակշռություն գտնել Իսրայելի և Պաղեստինի միջև, իսկ Փարիզից իսրայելցիների ներկայիս լիակատար աջակցությունը վնասում է Ֆրանսիայի հեղինակությանը արաբական աշխարհում, նշել են դիվանագետները։
Ֆրանսիայի մի քանի դեսպանատներ արդեն հարձակման են ենթարկվել։
