Ավելի լայն հակամարտությունը կարող է անխուսափելի լինել․ Իրանի ԱԳ նախարար
Իրանի իշխանությունները դիվանագիտական խողովակներով տեղեկացրել են ԱՄՆ-ին, որ չեն ցանկանում պաղեստինա-իսրայելական հակամարտության մասշտաբների աճ: Այս մասին հայտնել Է Իսլամական Հանրապետության արտաքին գործերի նախարար Հոսեյն Ամիր Աբդոլլահիյանը։ Տեղեկությունը փոխանցում է ՏԱՍՍ-ը։
«Ի պատասխան ԱՄՆ-ի՝ մենք ասել ենք, որ Իրանը չի ցանկանում պատերազմի տարածում, բայց տարածաշրջանում, ԱՄՆ-ի եւ Իսրայելի որդեգրած մոտեցման պատճառով, եթե Գազայի հատվածի եւ Հորդանան գետի արեւմտյան ափի բնակիչների դեմ հանցագործությունները չդադարեն, հնարավոր է իրադարձությունների զարգացման ցանկացած տարբերակ, ավելի լայն հակամարտությունը կարող է անխուսափելի լինել»,- հայտարարել է նա Financial Times բրիտանական թերթին տված հարցազրույցում։
