ՏԵՍԱՆՅՈՒԹ. Կինս ոչ թե ապօրինի ավազի հանք է շահագործում, այլ ավազի լվացմամբ զբաղվում. Բագրատյան

«Ամբողջովին խեղաթյուրված է իրավիճակը, բացարձակ հիմքեր չկան, հանքը գործում է օրինական հիքով և փաստաթղթերը տնօրենի մոտ են: Կինս այգեգործությամբ է զբաղվում և խնդրել է, որ թույլատրեն ավազը լվանա և իր կարիքների համար օգտագործի: Ստացել է օրինական թույլտվություն: Լրագրողի նշած բոլոր փաստերը խեղաթյուրված են»,-այս մասին այսօր լրագրողների հետ զրույցում` պատասխանելով կնոջ կողմից ապօրինի ավազի հանք շահագործելու մասին հարցին, ասաց «Քաղաքացիական պայմանագիր» խմբակցության պատգամավոր Սերգեյ Բագրատյանը:

Հիշեցնենք, որ «Հետք» լրատվականը գրել էր, որ Արարատի մարզի Ռանչպար բնակավայրում ավազի ապօրինի հանք է շահագործվում։ Հանքարդյունահանողը ԱԺ «Քաղաքացիական պայմանագիր» խմբակցության պատգամավոր Սերգեյ Բագրատյանի կնոջ ՍՊԸ-ն է։ Հանքավայրը շահագործելուց առաջ փորձաքննություններ չեն իրականացվել, հանքարդյունահանման պայմանագիր չի կնքվել։ Հայաստանի սեփականությունը համարվող ընդերքն ամիսներ շարունակ ապօրինի արդյունահանվել է։ Դա շարունակվում է նաև այսօր։

Մանրամասները տեսանյութում: