ՏԵՍԱՆՅՈՒԹ. Վարչապետը` ՀԱՊԿ նիստին չմասնակցելու մասին

Վարչապետ Նիկոլ Փաշինյանն անդրադարձել է հայաստանցի պաշտոնյաների կողմից ՀԱՊԿ վերջին միջոցառումներին չմասնակցելու որոշումներին․

«Մենք ոչ թե հրաժարվել ենք, այլ որոշել ենք այդ միջոցառումներին ներկա չգտնվել տարբեր պատճառներով: Ինչ վերաբերվում է ՀԱՊԿ-ի հետ կապված մեր դիրքորոշմանը, ցավոք, պետք է նշեմ, որ ՀԱՊԿՆ-ն ի հեճուկս իր ունեցած «դե յուրե» պարտավորությունների պատշաճ արձագանք չի տվել Հայաստանի անվտանգային մարտահրավերներին և դա կրկնվել է մի քանի անգամ»:

Անդրադառնալով «Հայաստան» խմբակցության պատգամավոր Ագնեսա Խամոյանի հարցին, թե այդպիսով հող է նախապատրաստվում ՀԱՊԿ-ից դուրս գալու համար, նա ասել է. «Ես որևէ բանի համար հող չեմ նախապատրաստում, որովհետև այդ հողը կամ կա, կամ չկա՝ անկախ մեր նախապատրաստելուց»։

Փաշինյանը հիշեցրել է, որ ՀԱՊԿ-ը, ի հակառակ իր ունեցած դե յուրե պարտադիր պարտավորություններին, պատշաճ արձագանք չի տվել Հայաստանի անվտանգության մարտահրավերներին, ու դա կրկնվել է մի քանի անգամ. «Ամենայն հարգանքով մեր բոլոր գործընկերների նկատմամբ՝ արձանագրում ենք, որ մեր հանրության համար էլ է անհասկանալի, թե ինչու ենք ամեն անգամ գնում, նույն բաները կրկնում՝ չստանալով արձագանք, ետ վերադառնում, հետո նորից նույնկերպ գնում»։

Մանրամասները` տեսանյութում: