Ինչ որոշում է կայացրել դատարանը Թրամփի՝ նախագահական ընտրություններին մասնակցելու վերաբերյալ
ԱՄՆ Միչիգան նահանգի դատարանը որոշել է, որ ԱՄՆ նախկին նախագահ Դոնալդ Թրամփը, ով մտադիր է առաջադրվել 2024 թվականին նախագահական ընտրություններում, կմնա նահանգի նախնական քվեաթերթիկում, հայտնում է Associated Press-ը։
Նշվում է, որ դատավոր Ջեյմս Ռեդֆորդը մերժել է այն փաստարկները, որ Թրամփի դերը 2021 թվականի հունվարին Կապիտոլիումի վրա գրոհելու մեջ նշանակում էր, որ դատարանը պետք է նրան արգելեր առաջադրվել նախագահի պաշտոնում:
Նախկինում Մինեսոտայի Գերագույն դատարանը Թրամփին նույնպես թույլատրել էր մասնակցել այս նահանգում ընտրություններին։ Նույն հարցով ևս մեկ դատական նիստ կանցկացվի Կոլորադոյում։
