ՏԵՍԱՆՅՈՒԹ․ Մանդատը փրկօղակ է, թե իրոք ցանկություն ունեք Ազգային ժողովում գործունեություն ծավալել․ լրագրողը՝ Քոչարյանին
ՀՀ Ազգային ժողովը գումարել է իր հերթական քառօրյա նիստերը։ Այսօր նիստի մեկնարկին Տիգրան Պարսիլյանը երդվեց և դարձավ «Քաղաքացիական պայմանագիր» խմբակցության պատգամավոր:
Երդվեց նաև Ռոբերտ Քոչարյանի որդին՝ «Հայաստան» խմբակցության նորընտիր պատգամավոր Լևոն Քոչարյանը՝ ստանձնելով իր լիազորությունները։
Ազգային ժողովում լրագրողը Լևոն Քոչարյանին հարց ուղղեց՝ արդյոք մանդատը նրա համար փրկօղակ է, թե իրոք ցանկություն ունի Ազգային ժողովում գործունեություն ծավալել։
Քոչարյանը նշեց, որ ԱԺ-ից դուրս գալուց հետո կպատասխանի հարցերին։
Հիշեցնենք, որ Կենտրոնական ընտրական հանձնաժողովի որոշմամբ նոյեմբերի 6–ին Քոչարյանը ԱԺ «Հայաստան» խմբակցությունից մանդատ ստացավ՝ազատ արձակվելով կալանավայրից։ Քոչարյանին մեղադրանք է առաջադրվել սեպտեմբերի 22-ին խաղաղ ցույցի ժամանակ կարմիրբերետավորների` ճանապարհը բացելու օրինական պահանջը չկատարելու և ոստիկանության ծառայողների նկատմամբ բռնություն գործադրելու համար։
