Սովորական անձնագրերով կարողանալու եք ճամփորդել ԵՄ երկրներ. Եղոյանը` վիզաների հնարավոր ազատականացման մասին
«Երեկ Բորելը հայտարարեց, որ այդ հարցը մտնելու է քննարկման օրակարգ: Ինչպես կգնա այդ քննարկումը, ես չեմ կարող ասել, բայց կարող եմ կանխատեսում անել, որովհետև խոսքը մոտ ապագայի մասին է, ու իմ կանխատեսումը բավականին լավատեսական է, որովհետև ես գիտեմ 27 պետությունների ճնշող մեծամասնության դիրքորոշումը և նաև գիտեմ 1, 2 տատանվող պետությունների հետ քննարկումների արդյունքները»,- ասաց նա:
Եղոյանն ընդգծեց, որ եթե Եվրոպական խորհուրդը նման որոշում կայացնի, դա լինելու է Հայաստանի հետ վիզաների ազատականացման երկխոսություն սկսելու որոշում: Ազատականացման տարբերակը, որ դրված է սեղանին, Եղոյանի խոսքով, այն տարբերակն է, ինչ Վրաստանն է ստացել Ասոցացման համաձայնագիրը ստորագրելու ժամանակ:
«Եթե սա լինի՝ կնշանակի, որ վերցնելու եք ձեր սովորական անձնագիրն ու այդ անձնագրով կարողանալու եք ճամփորդել ԵՄ երկրներ»,- նշեց հանձնաժողովի նախագահը:
