Եթե Ադրբեջանը վերահաստատի այն, ինչ արդեն համաձայնեցվել է, կնշանակի, որ աշխատանքի 70 տոկոսն արված է. Փաշինյան
Եթե Ադրբեջանը վերահաստատի այն, ինչ արդեն համաձայնեցվել է, կնշանակի, որ աշխատանքի 70 տոկոսն արված է։ Այս մասին «Փարիզի խաղաղության 6-րդ համաժողովում» իր ելույթի ժամանակ հայտնել է ՀՀ վարչապետ Նիկոլ Փաշինյանը:
«Հիմա ամենակարևոր նյուանսն այն է, թե արդյոք Ադրբեջանը կվերահաստատի այն, ինչն արդեն Բրյուսելում համաձայնեցվել է մեր բանակցությունների ընթացքում, որոնք տեղ են գտել Շառլ Միշելի հրապարակային հայտարարություններում»,– ասել է նա:
Նիկոլ Փաշինյանը հայտնել է, որ Իրանը հստակ ասել է, որ աջակցում է խաղաղության գործընթացին ինքնիշխանության, տարածքային ամբողջականության և սահմանների անքակտելիության սկզբունքների հիման վրա: Ըստ նրա՝ սրանք այն սկզբունքներն են, որոնց համաձայնություն է տրվել Բրյուսելյան եռակողմ հանդիպման ժամանակ։
«Գրանադայի հանդիպման իմաստը վերահաստատումն էր արդեն իսկ համաձայնեցված սկզբունքների, ինչը շատ կարևոր է»,– ասել է Նիկոլ Փաշինյանը:
