Պուտինը կառաջադրվի՞ ընտրություններում. Պեսկովը մեկնաբանել է
«Պուտինը դեռ որևէ որոշում չի կայացրել 2024 թվականի նախագահական ընտրություններում իր առաջադրման վերաբերյալ»: Այս մասին հայտարարել է Ռուսաստանի նախագահի խոսնակ Դմիտրի Պեսկովը` մեկնաբանելով 2024 թվականի ընտրություններում Պուտինին առաջադրելու նախաձեռնող խմբի ստեղծման և նրա հնարավոր ինքնաառաջադրման մասին մամուլի հրապարակումները:
«Հասկանալի է, որ մոտենում է ընտրությունների հայտարարման ժամանակը, բայց մինչ օրս որոշումներ չկան»,-ասել է Պեսկովը:
Հիշեցնենք` ավելի մամուլում գրում էին, որ Կրեմլը դիտարկում է Վլադիմիր Պուտինին նախագահի պաշտոնում առաջադրելու նախաձեռնող խմբի կազմի տարբերակները: Նախաձեռնող խմբի ձևավորումը թույլ է տալիս ենթադրել, որ Պուտինն, ամենայն հավանականությամբ, կմասնակցի ընտրություններին որպես ինքնաառաջադրված թեկնածու։
