Պաղեստինի վարչակազմը պետք է ստանձնի Գազայի հատվածի ղեկավարումը. ՄԱԿ–ի գլխավոր քարտուղար
ՄԱԿ-ի գլխավոր քարտուղար Անտոնիո Գուտերեշը հայտարարել է, որ Պաղեստինի ինքնավարությունը (Պաղեստինը) պետք է տիրի Գազայի հատվածին, իսկ Իսրայելը պետք է համաձայնի բանակցել երկու պետությունների խնդրի լուծման շուրջ։
«Դրական արդյունքի դեպքում... Պաղեստինի ինքնավարությունը կստանձնի ղեկավարությունը նաև Գազայում, և Իսրայելը կհամաձայնի լուրջ բանակցությունների միջազգային հանրության աջակցությամբ երկու պետությունների խնդրի լուծման շուրջ: Սա իրադարձությունների զարգացման լավագույն սցենարն է»,- ասել է Գուտերեշը CNN-ի եթերում:
Ամերիկայի Միացյալ Նահանգները, որը դեմ է Իսրայելի և պաղեստինյան ՀԱՄԱՍ շարժման միջև պատերազմում հրադադարի հաստատմանը, կարծում է, որ Գազայի հատվածի նկատմամբ վերահսկողությունն ի վերջո պետք է տրվի Պաղեստինի ինքնավարությանը, որն այժմ կառավարում է Հորդանան գետի Արևմտյան ափը: Պաղեստինի նախագահ Մահմուդ Աբասը ավելի վաղ հայտարարել էր Գազայի հատվածը վերահսկողության տակ վերցնելու պատրաստակամության մասին։ Սակայն Իսրայելը դեմ է Գազայի հատվածը Պաղեստինի վերահսկողությանը հանձնելուն։
