Ճի՞շտ եմ հասկանում, որ ԵՄ-ն պաշտոնապես հաշվել է ՌԴ-ի հաղթանակը. Զախարովան` Բորելի հայտարարության մասին
Ռուսաստանի նկատմամբ Ուկրաինայի հաղթանակը մոտ ապագայում չի սպասվում, խոստովանել է ԵՄ արտաքին քաղաքականության պատասխանատու Ժոզեպ Բորելը:
«Մենք շատ խնդիրներ ունենք, առաջին հերթին՝ Ուկրաինան, որտեղ Ռուսաստանի նկատմամբ արագ հաղթանակ չի սպասվում»,- ասել է նա։
Նրա խոսքով` Եվրամիությունը պետք է քաղաքականապես պատրաստվի ԱՄՆ-ի օգնության հավանական կրճատմանը և փոխհատուցի այն Կիևին:
Ռուսական կողմից արձագանքը չուշացավ: ՌԴ ԱԳՆ պաշտոնական ներկայացուցիչ Մարիա Զախարովան համեմատել է Ժոզեպ Բորելի հայտարարությունները և հանգել անսպասելի եզրակացության. «Ճի՞շտ եմ հասկանում, որ ԵՄ-ն պաշտոնապես հաշվել է Ռուսաստանի հաղթանակը»:
