Արցախի ՄԻՊ-ը Եվրահանձնաժողովի նախագահին կեղծավոր է անվանել
Արցախի ՄԻՊ Գեղամ Ստեփանյանը X-ի իր միկրոբլոգում հրապարակել է Եվրահանձնաժողովի նախագահի նկարները և մեկնաբանել․ «Այո՛, մարդիկ կարող են այդքան կեղծավոր լինել»։
Ստեփանյանը գրառմանը կից կիսվել է Եվրահանձնաժողովի նախագահ Ուրսուլա ֆոն դեր Լայենի երկու նկարներով։ Դրանցից մեկում վերջինս ծաղիկներ է դնում Հոլոքոստի հուշահամալիրում, իսկ մյուսում Ադրբեջանի նախագահ Իլհամ Ալիևի հետ ստորագրում է ադրբեջանական բնական գազի արտահանումը դեպի ԵՄ կրկնապատկելու վերաբերյալ համաձայնագիրը։
