ՏԵՍԱՆՅՈՒԹ․ Կառավարության նիստը մեկնարկեց մեկ րոպե լռությամբ

Կառավարության այսօրվա նիստը մեկնարկեց մեկ րոպե լռությամբ։ Կառավարության անդամները հարգեցին 44–օրյա պատերազմի զոհերի հիշատակը։ 

Հիշեցնենք` 2020 թվականի սեպտեմբերի 27-ին Ադրբեջանը լայնածավալ ռազմական հարձակում սկսեց արցախա–ադրբեջանական սահմանի ողջ երկայնքով։ Նույն թվականի նոյեմբերի 9-ին ՌԴ նախագահ Վլադիմիր Պուտինը, ՀՀ վարչապետ Նիկոլ Փաշինյանը և Ադրբեջանի նախագահ Իլհամ Ալիևը համատեղ հայտարարություն ընդունեցին ռազմական գործողությունների դադարեցման վերաբերյալ։ Եռակողմ հայտարարության ընդունումից հետո` Լեռնային Ղարաբաղի շփման գծի և Լաչինի միջանցքի երկայնքով տեղակայվեց Ռուսաստանի Դաշնության խաղաղապահ զորակազմը: Ռուս խաղաղապահները տեղակայվել էին 5 տարի ժամկետով, սակայն 2023 թվականի սեպտեմբերի 19–ին Ադրբեջանը հերթական անգամ հարձակվեց Արցախի Հանարապետության վրա, ինչի հետևանքով Արցախն ամբողջությամբ հայաթափվեց և հանձնվեց Ադրբեջանին։