ՏԵՍԱՆՅՈՒԹ․ Իսրայելում փառատոնի մասնակիցների վրա կրակել է ոչ միայն ՀԱՄԱՍ-ը

Իսրայելում փառատոնի մասնակիցների վրա միայն ՀԱՄԱՍ-ը չի կրակել։ Իսրայելական լրատվամիջոցները տեսանյութ են հրապարակել հոկտեմբերի 7-ին փառատոն ուղարկված Apache գրոհային ուղղաթիռից, որտեղ երևում է, որ Իսրայելի պաշտպանության բանակը կրակում է փախչող մարդկանց վրա: 

Հաղորդվում է, որ 4 ժամում հարձակման է ենթարկվել մոտ 300 ավտոմեքենա։ Հիմնականում հարձակումների թիրախ են դարձել Գազայի հատված ուղևորվող մեքենաները, այդ թվում՝ պատանդներ տեղափոխողները: Հրաձգությունը բացատրվում է նրանով, որ ՀԱՄԱՍ-ի մարտիկները միտումնավոր դանդաղեցրել են շարժումը։ 

Նշենք նաև, որ Reuters-ն էլ իր հերթին հերքում է այն պնդումները, որ նախապես գիտեր հոկտեմբերի 7-ի հարձակման մասին։

«Մենք տեղյակ ենք «HonestReporting»-ի զեկույցին և երկու անկախ լուսանկարիչների դեմ առաջադրված մեղադրանքներին, որոնք ներգրավված են եղել հոկտեմբերի 7-ի իրադարձությունների լուսաբանման մեջ»,- ասվում է Reuters-ի հաղորդագրության մեջ: 

Հավելենք, որ ավելի վաղ վերահիշյալ կազմակերպությունը, հետաքննական զեկույց էր հրապարակել, որում մեղադրում է առաջատար լրատվամիջոցների լրագրողներին, ներառյալ New York Times-ը, AP-ն, Reuters-ը և CNN-ը ՀԱՄԱՍ-ի զինյալներին միանալու մեջ հենց Գազայի հատվածից, հոկտեմբերի 7-ին՝ իրադարձությունները տեսախցիկով ֆիքսելու համար։