ՏԵՍԱՆՅՈՒԹ․ Իսրայելը հայտնում է նոր ավիահարվածների մասին

Իսրայելի պաշտպանության բանակը (ՑԱԽԱԼ) հայտարարել է պաղեստինյան ՀԱՄԱՍ շարժման հրթիռների արձակման հենակետին ավիահարվածի, ինչպես նաև խմբավորման մարտիկներին ոչնչացնելու մասին: 
 

«Իսրայելի պաշտպանության բանակի զորքերը հակատանկային հրթիռներ արձակելու համար պահակակետ են հայտնաբերել, որտեղ գտնվում էին ՀԱՄԱՍ-ի ահաբեկիչները։ Արձակման համար նախատեսված անցակետերը ստորգետնյա անցումով միացվել են զինապահեստին։ Զորքերը հարված են հասցրել օդից՝ դրանով իսկ վնասելով ահաբեկիչների ենթակառուցվածքները։ Դրանից հետո գրոհայինները դուրս են եկել ենթակառուցվածքի տանիք և սպանվել լրացուցիչ հարվածի հետևանքով»,-ասվում է իսրայելական բանակի Telegram-ալիքում տարածված հաղորդագրության մեջ։

Բացի այդ, բացահայտվել են ՀԱՄԱՍ-ի ահաբեկիչներ, ովքեր ականանետեր են արձակում Իսրայելի տարածքի ուղղությամբ։  Ի պատասխան ականանետային գնդակոծության՝ իսրայելական բանակը օդից հարված է հասցրել ՀԱՄԱՍ-ի ենթակառուցվածքների և նրանց մարտիկների ուղղությամբ: