Իրավիճակը շատ մտահոգիչ է․ Անդրեասյանը՝ Ֆիզիկական կուլտուրայի և սպորտի պետական ինստիտուտի մասին
Ֆիզիկական կուլտուրայի և սպորտի պետական ինստիտուտում իրավիճակը շատ մտահոգիչ է մեզ համար: Այս մասին Կառավարության ճեպազրույցների ժամանակ ասաց ԿԳՄՍ նախարար Ժաննա Անդրեասյանը։
Նախարարն անդրադառնալով հարցին, թե բուհի ուսանողները բողոքի ձայն էին բարձրացնել և պահանջում էին նախարարի հետ հանդիպում, մինչդեռ նրանց հետո հանդիպեց նախարարի տեղակալ Կարեն Գիլոյանը, ասել է, որ Կարեն Գիլոյանը բուհի հոգաբարձուների խորհրդի նախագահն է, և առավելապես այդ կագավիճակում է ընդունել ուսանողներին:
«Իմ տեղեկություններով՝ նաև առաջիկայում հոգաբարձուների խորհրդի նիստ է հրավիրվելու, և քննարկվելու է ստեղծված իրավիճակը»,- նշել է նախարարը՝ հավելելով, որ խնդիրն ամբողջությամբ Հոգաբարձուների խորհրդի իրավասության շրջանակում է:
Հիշեցնենք՝ ավելի վաղ Ֆիզիկական կուլտուրայի և սպորտի պետական ինստիտուտի ուսանողներն դասադուլ էին իրականացնում։ Նրանք բողոքում են ռեկտոր Դավիթ Խիթարյանի պահվածքից՝ նշելով, որ կառույցում կան մի շարք անարդարություններ։ Հարցի վերաբերյալ ավելի մասնրամասն տեղեկատվություն ստանալու համար Auroranews-ը կապ էր հաստատել ԿԳՄՍ փոխնախարար Կարեն Գիլոյանի հետ:
