Քադիրովը սպառնացել է աշխատանքից ազատել այն պաշտոնյաներին, որոնց երեխաները չգիտեն չեչեներեն
Չեչնիայի ղեկավար Ռամզան Քադիրովը սպառնացել է աշխատանքից հեռացնել այն ենթականերին, որոնց երեխաները չգիտեն չեչեներեն։ Ինչպես հայտնում է Chechnya Today-ը, Քադիրովը նման հայտարարություն է արել նոյեմբերի 7-ին կայացած չեչեներենի իմացության մրցույթի եզրափակիչում, գրում է Meduza–ն։
«Մենք մեծ աշխատանք ենք տանում չեչեներենի հանրահռչակման ուղղությամբ։ Բայց պատահում է, որ իմ թիմի ներկայացուցիչների երեխաները հաճախ չեն տիրապետում չեչեներենին։ Ես կսկսեմ նման պաշտոնյաներին հեռացնել թիմից»,– ասել է նա։
Ըստ Քադիրովի՝ նախ և առաջ ծնողները պետք է երեխաներին սովորեցնեն իրենց մայրենի լեզուն, սակայն, ըստ նրա, «մանկապարտեզներում և դպրոցներում ռուսերեն են սովորեցնում, և ծնողները հաճախ դա խրախուսում են»։ «Երեխաները նույնիսկ սկսում են ռուսերեն մտածել»,- ասել է Չեչնիայի ղեկավարը՝ հավելելով, որ, իր կարծիքով, «այն սերունդը, որը չեչեներեն չի խոսում և չի մտածում, ապագա չունի»։
Ռամզան Քադիրովի խոսքով՝ չեներենըվտանգված լեզուներից է և պետք է դառնա չեչենական ընտանիքների հաղորդակցության հիմնական լեզուն։
