Հայաստան զբոսաշրջային այցելությունները գերազանցել են բոլոր սպասելիքները

2023 թվականի հոկտեմբերին դեպի Հայաստան զբոսաշրջային այցելությունները գերազանցել են բոլոր սպասելիքները։  Այս մասին հայտնում է ՀՀ Զբոսաշրջության կոմիտեն։

Հայաստանն առաջին անգամ հյուրընկալել է ավելի քան 2 միլիոն զբոսաշրջիկի ընթացիկ տարում, և առջևում դեռ երկու ամիս կա։

«195 հազար զբոսաշրջիկ 2023թ. Հոկտեմբերին` լավագույն վիճակագրական տվյալները նախորդ տարիների համեմատ (2022թ.` 155 հազար, 2019թ.` 192 հազար զբոսաշրջիկ): Արդյունքում մենք ունեցել ենք 2 միլիոն 50 հազար զբոսաշրջային այցելություն 2023թ. հունվարից հոկտեմբեր ընկած ժամանակահատվածում»,- նշված է հաղորդագրության մեջ։

Կոմիտեի տարածած վիճակագրության համաձայն ամենամեծ թվով զբոսաշրջիկներ Հայաստան են ժամանել Ռուսաստանից, երկրորդ տեղում Վրաստանն է, երրորդում` Իրանը։