ԱՄՆ-ն անհրաժեշտ է համարում հրաժարվել ՌԴ միջուկային վառելիքից
ԱՄՆ-ն անհրաժեշտ է համարում վճռական միջոցներ ձեռնարկել Ռուսաստանից միջուկային վառելիքի մատակարարումներից ազատվելու համար, որոնք լուրջ վտանգ են ներկայացնում երկրի անվտանգությանը։ Այս մասին Financial Times-ին տված հարցազրույցում ասել է ԱՄՆ էներգետիկայի նախարարի օգնական Քեթրին Հաֆը։
Նա կոչ է արել ԱՄՆ Կոնգրեսին հատկացնել անհրաժեշտ միջոցները ներքին մատակարարման շղթաները վերականգնելու և ներմուծումը սահմանափակելու համար՝ հաշվի առնելով, որ Ռուսաստանի Դաշնությունը վերահսկում է միջուկային հարստացման համաշխարհային կարողությունների գրեթե կեսը։
Հաֆն ասել է, որ Ռուսաստանը տարիներ շարունակ հաջողությամբ աշխատել է՝ խաթարելու ԱՄՆ միջուկային մատակարարման շղթան՝ «համաշխարհային շուկաներ նետելով հարստացված ուրանի էժան արտադրանքները», ինչը «վնաս է պատճառել ԱՄՆ-ի վառելիքի ցիկլին»:
