Իսրայելի պաշտպանության նախարարության շտաբի մոտ Գազայի հատվածից պատանդների ազատ արձակման պահանջով ցույցի ժամանակ բախումներ են տեղի ունեցել: Այս մասին հայտնում է ՌԻԱ Նովոստին:

Աղբյուրի փոխանցմամբ` ցույցի մասնակիցները, որոնցից շատերը իսրայելական դրոշներով և պաստառներով են, փակել են ճանապարհը և պահանջում են որոշել ՀԱՄԱՍ-ի պատանդների ճակատագիրը: Ակցիայի վայրում մարդկանց մի փոքր խումբ փորձել է ցրել ցույցը, որից հետո ցուցարարների և նրանց միջև տեղի են ունեցել կարճատև բախումներ:

Հիշեցնենք, որ բողոքի ցույցի ժամանակ ներկաները պահանջել են նաև Իսրայելի վարչապետ Բենիամին Նեթանյահուի հրաժարականը։