Իմ հայ գործընկերոջ հետ հանդիպումը տևեց ավելի քան 40 րոպե. Բայրամով
Ադրբեջանը հաստատում է Հայաստանի հետ բանակցություններին իր պատրաստակամությունը և ակնկալում է Երևանի պատասխանը խաղաղության վերջին առաջարկներին, ասել է Ադրբեջանի ԱԳՆ ղեկավար Ջեյհուն Բայրամովը։
«Բանակցությունների ձևաչափը կարող է լինել ցանկացածը: Կարևոր է հասկանալ, որ դա Ադրբեջանի և Հայաստանի հարցն է: (...) Խաղաղության պայմանագրով մենք հայկական կողմին ենք փոխանցել մեր հերթական առաջարկները և այժմ սպասում ենք նրանց պատասխանին»,- ասել է Բայրամովը շաբաթ Գերմանիայի արտգործնախարար Անալենա Բերբոքի հետ բանակցությունների արդյունքների վերաբերյալ ճեպազրույցում։
Ադրբեջանի ԱԳՆ ղեկավարն ընդգծել է, որ Թեհրանում (հոկտեմբերի 23) «3+3» ձևաչափով նախարարների հանդիպման ժամանակ իր հայ գործընկեր Արարատ Միրզոյանի հետ քննարկել է հարաբերությունների կարգավորման հարցը. «Իմ հանդիպումը հայ գործընկերոջ հետ այնտեղ նախատեսված չէր, սակայն մենք «հանդիպում ունեցանք, որը տևեց 40 րոպեից ավելի»։
