ՏԵՍԱՆՅՈՒԹ․ Ասել, որ ամեն ինչ հրաշալի է և որևէ վտանգ չկա, չեմ կարող․ Արշակյանը՝ սահմանային կուտակումների մասին

Ասել, որ ամեն ինչ հրաշալի է և որևէ վտանգ չկա, չեմ կարող, խոսքը վերաբերում այս պահին կուտակումներ չլինելուն։ Այս մասին ԱԺ–ում ճեպազրույցի ժամանակ ասաց խորհրդարանի փոխխոսնակ Հակոբ Արշակյանը։

«Իմ տեղեկություններով` կուտակումներ չկան Հայաստանի շուրջ։ Ռեգիոնում ընդհանուր լարվածություն մեծ հաշվով կա։ Պետք է հաշվի առնել, որ բոլորովին վերջերս թուրք–ադրբեջանական զորավարժություններ էին տեղի ունենում։ Ինչ վերաբերում է այն հարցին` սպառնալիքներ կան, թե ոչ, պետք է արձանագրել, որ հռետորաբանության տեսանկյունից վերջին շրջանում դրական տեղաշարժեր կան։ Դրական տեղաշարժերը վերաբերում են Հայաստանի տարածքային ամբողջականությանը, օրինակ` այն, որ միջազգային հեղինակավոր մարմինների կողմից բանաձևեր, խորհրդարանների և այլ գերատեսչությունների կողմից էլ հայտարարություններ են ընդունվել»,– մանրամասնեց Արշակյանը։