Ինչու է ԱԱԾ-ն բերման ենթարկել Մալաթիա- Սեբաստիայի համայնքապետարանի աշխատակիցներին. ԶԼՄ
Մալաթիա- Սեբաստիա վարչական շրջանի համայնքապետարանի կոմունալ բաժնի պետ Աշոտ Խաչատրյանն ԱԱԾ–ի կողմից բերման է ենթարկվել իր տանից, իսկ առևտրի բաժնի պետ Հրայր Արամյանը և կոմունալի աշխատակից Վան Հարությունյանը՝ այլ վայրերից։ Այս մասին հայտնում է ArmLur.am–ը՝ հղում տալով իր աղբյուրներին:
Նշվում է, որ նշված երեք աշխատակիցները բարեկամներ են:
Լրատվամիջոցը որպես բերման ենթարկելու պատճառ է նշում այն, որ համայնքապետարանը գնումների գործընթացը լիակատար չի կատարել, չարաշահումներ են հայտնաբերվել, հայտարարվել է մրցույթ, որից հետո նախատեսված գումարն իր նպատակին չի ծառայել, այդ գումարի մի մասը այսպես ասած «մեջ-մեջ է արվել»:
Նաև նշվում է, որ համայնքապետարանի բերման ենթարկված աշխատակիցները ստորագրությամբ ազատ են արձակվել:
