Մահացածների հոգիները հանդիպում են ողջերին․ Զախարովան՝ Բլինքենի երեխաների կերպարների մասին

ՌԴ ԱԳՆ պաշտոնական ներկայացուցիչ Մարիա Զախարովան Telegram-ում անդրադարձել է ԱՄՆ պետքարտուղար Էնթոնի Բլինքենի երեխաների Հելոուինի կերպարներին։ Փոխանցում է ՌԻԱ Նովոստին։ 

Զախարովայի կարծիքով՝ այդպիսով ԱՄՆ-ում հիշեցրել են, որ «այդ օրը մահացածների հոգիները հանդիպում են ողջերի հետ»։

«Հելոուինին ԱՄՆ պետքարտուղար Բլինքենն իր երեխաներին Սպիտակ տուն է տարել «Զելենսկու» և «ուկրաինական դրոշի» հագուստներով։ Ըստ երևույթին, ԱՄՆ-ում այդպես ուզում էին ընդգծել այս օրվա նշանակությունը, երբ, ըստ անգլո-սաքսոնական ավանդույթի, մահացածների հոգիները հանդիպում են ողջերին։ ԱՄՆ նախագահը Միջոցառմանը Ջո Բայդենի կոստյումով է եղել»,- գրել Է Զախարովան իր տելեգրամյան ալիքում։ 

Ավելի վաղ հայտնել էինք, որ Հելոուինի նախօրեին ԱՄՆ նախագահ Ջո Բայդենը Սպիտակ տանը կոնֆետներ էր բաժանում երեխաներին իր կերպարով։ Միջոցառմանը պետքարտուղար Էնթոնի Բլինքենի որդին Զելենսկու կերպարով էր, իսկ դստերը հագնված էր Ուկրաինայի դրոշի գույներով։