Թել Ավիվից Մախաչկալա ժամանած ինքնաթիռում հրեաներ չեն եղել. Իսրայելի ազգային անվտանգության խորհուրդ
Թել Ավիվից Մախաչկալա թռչող ինքնաթիռում հրեաներ կամ իսրայելցիներ չեն եղել: Այս մասին նշվում է Իսրայելի ազգային անվտանգության խորհրդի հայտարարության մեջ:
Իսրայելի Ազգային անվտանգության խորհուրդը, երկրի վարչապետի և արտաքին գործերի նախարարության գրասենյակները համատեղ հայտարարություն են տարածել, որում նշվում է, որ երկիրը հետևում է Դաղստանում տեղի ունեցող իրադարձություններին:
«Իսրայելն ակնկալում է, որ Ռուսաստանի իրավապահ մարմինները կպաշտպանեն Իսրայելի բոլոր քաղաքացիների և հրեաների անվտանգությունը, որտեղ էլ որ նրանք լինեն, և վճռականորեն կգործեն հրեաների և իսրայելցիների դեմ ուղղված անկարգությունների և վայրի հրահրումների դեմ», - նշվում է հայտարարության մեջ:
Հաղորդվում է, որ Ազգային անվտանգության խորհուրդն ընդգծել է, որ ինքնաթիռում եղել են այլ երկրների քաղաքացիներ, որոնք չեն եղել էթնիկ հրեաներ։
