Էրդողանի հայտարարություններից հետո Իսրայելի արտգործնախարարը հայտարարել է Թուրքիայից իր դիվանագետներին հետ կանչելու մասին
Իսրայելը հետ է կանչում իր դիվանագետներին Թուրքիայից՝ վերագնահատելու երկկողմ հարաբերությունները՝ հաշվի առնելով Թուրքիայի քաղաքական ղեկավարության, մասնավորապես՝ երկրի նախագահ Ռեջեփ Թայիփ Էրդողանի վերջին հայտարարությունները։
Այս մասին հայտարարել է Իսրայելի արտգործնախարար Էլի Կոենը։
«Թուրքիայի հայտարարությունների տոնայնության սրման ֆոնին ես հրամայեցի հետ կանչել մեր դիվանագիտական ներկայացուցիչներին Թուրքիայից՝ իսրայելա-թուրքական հարաբերությունները վերագնահատելու նպատակով»,- ասել է նախարարը:
