ՄԱԿ-ի ղեկավար Անտոնիո Գուտերեշին կոչ են արել անհապաղ հրաժարական տալ
ՄԱԿ-ում Իսրայելի դեսպանը Գիլադ Էրդանը կազմակերպության ղեկավար Անտոնիո Գուտերեշին կոչ է արել անհապաղ հրաժարական տալ․
«ՄԱԿ-ի գլխավոր քարտուղար Անտոնիո Գուտերեշը արժանի չէ ղեկավարել ՄԱԿ-ը»,- այդ մասին նա գրել է թվիթերյան (X) սոցցանցում:
Իսրայելի ԱԳ նախարարն էլ իր հերթին հայտարարել է, որ չի հանդիպելու ՄԱԿ-ի գլխավոր քարտուղարի հետ իսրայելա-պաղեստինյան պատերազմի հարցում նրա «հավասարակշռված մոտեցման համար»։
Հիշեցնենք՝ ավելի վաղ հայտնի դարձավ՝ ՄԱԿ-ի գլխավոր քարտուղարը հայտարարել էր, որ ՀԱՄԱՍ-ի հարձակումն Իսրայելի վրա հենց այնպես չի եղել․
«Կարևոր է գիտակցել, որ ՀԱՄԱՍ-ի հարձակումները տեղի չեն ունեցել վակուումում: Պաղեստինի ժողովուրդը ենթարկվել է 56 տարվա խեղդող օկուպացիայի»,- ասել է Գուտերեշն ու հավելել, որ նրանք ականատես են եղել բռնությունների, տեղահանությունների:
