Ադրբեջանի ԱԳՆ-ն անդրադարձել է Մակրոնի` Բրյուսելում արված հայտարարությանը
Բաքուն դատապարտում և մերժում է հոկտեմբերի 27-ին Բրյուսելում Երամիության Խորհրդի նիստում Ֆրանսիայի նախագահ Էմանյուել Մակրոնի Ադրբեջանին հասցեագրած մեղադրանքը: Այս մասին հայտնում է Ադրբեջանի արտաքին գործերի նախարարությունը:
«Ֆրանսիայի կողմից Ադրբեջանին հասցեագրված մեղադրանքը Հայաստանի տարածքային ամբողջականությանն ու ինքնիշխանությանը սպառնալու մասին ծիծաղելի է և անընդունելի: Տասնամյակներ շարունակ միջնորդ հանդիսանալով՝ Ֆրանսիան աչք է փակել Հայաստանի կողմից Ադրբեջանի տարածքի մոտ 20 տոկոսի օկուպացիայի վրա և խրախուսել է անջատողականությունն ադրբեջանական տարածքներում: Ֆրանսիան երբեք չի իրականացրել հաջող միջնորդական ջանքեր»,- ասված է հաղորդագրության մեջ:
Ըստ գերատեսչության, Ֆրանսիայի միջնորդությունը «նախկին հայ-ադրբեջանական հակամարտությունում ավարտվել է Մինսկի խմբի հետ»:
