Օրբանը «միջնամատ» է ցույց տվել Ուկրաինայի զինված ուժերին․ Լյուքսեմբուրգի վարչապետ
Լյուքսեմբուրգի վարչապետ Բետելը կարծում է, որ իր հունգարացի գործընկեր Օրբանն Ուկրաինային օգնությունն արգելափակելու իր որոշմամբ «միջնամատ» է ցույց տվել Ուկրաինայի զինված ուժերին։ Փոխանցում է ՌԻԱ Նովոստին։
Բեթելի կարծիքով՝ Օրբանը շանտաժով է զբաղվում՝ ցանկանալով առաջին հերթին ԵՄ-ից գումար ստանալ Բուդապեշտի համար։ Լյուքսեմբուրգի վարչապետը հույս ունի, որ «դրական որոշման» հանգել, այնուամենայնիվ, կհաջողվի։
Օրբանն ավելի վաղ պնդել էր, որ պետք է հստակ հիմնավորվի Ուկրաինային լրացուցիչ 50 մլրդ եվրո հատկացնելը եվրոպական բյուջեից, որպեսզի այն չլինի «պարզապես ավելի շատ գումար տվեք» սկզբունքով։ Օրբանը նաև հայտարարել էր, որ ռազմական փորձագետների համար ակնհայտ է, որ Ուկրաինան չի կարող հաղթել մարտի դաշտում, միայն արևմտյան քաղաքական գործիչները չեն համարձակվում դա խոստովանել։
