Վերևից ինչ-որ հանձնարարական չկա. Մինասյանը` «Արցախ» բառը կիրառելու մասին

Որևէ հանձնարարական կամ վերևից ինչ-որ դիտողություն չկա, որպեսզի ՀՀ պաշտոնյաներն «Արցախ» տերմինը չօգտագործեն` փոխարենը կիրառելով «Լեռնային Ղարաբաղ» բառակապակցությունը: ՀՀ կառավարության նիստից հետո լրագրողների հետ զրույցում այս մասին ասաց ՀՀ արդարադատության նախարար Գրիգոր Մինասյանը։

«Բնականաբար ոչ, չկա նման բան: Որևէ նման հանձնարարական կամ վերևից ինչ-որ դիտողություն չկա»,– վստահեցրեց Մինասյանը:

Դիտարկմանը, թե այդ դեպքում՝ ինչո՞ւ են որոշ պաշտոնյաներ Արցախ բառն օգտագործելուց հետո ներողություն խնդրում և ուղղում իրենց, Գրիգոր Մինասյանը ևս մեկ անգամ կրկնեց, որ նման որևէ հրահանգ իրենք չեն ստացել:

Նշենք, որ ՀՀ պաշտոնյաների կողմից խոսքի մեջ նման ուղղումներ վերջին շրջանում պարբերաբար են տեղի ունենում։ Առավել ցայտուն օրինակ էր ՀՀ վարչապետ Նազելի Բաղդասարյանի կողմից արված ուղղումը, երբ նա ՀՀ կառավարության ճեպազրույցի ժամանակ ասաց «Արցախից բռնի տեղահանված, ապա անմիջապես ուղղեց իրեն` ասելով Լեռնային Ղարաբաղից»։