Արտակ Զեյնալյանը մանդատը դնելու մտադրություն դեռ չունի. Անի Խաչատրյան
Մենք դեռ ընտրությունների գնալուց առաջ հստակ ունեցել ենք մեր փոխքաղաքապետի թեկնածուն, մեր խմբակցության ղեկավարի թեկնածուն: Այս մասին Երեւանի քաղաքապետարանում լրագրողների հետ զրույցում ասաց ավագանու «Հանրապետություն» խմբակցության ղեկավար Անի Խաչատրյանը:
Նա հայտարարեց, որ մամուլի ենթադրությունների դաշտից էին տեղեկությունները, թե փոխքաղաքապետի պաշտոնները կարող են զբաղեցնել Արտակ Զեյնալյանը կամ ինքը:
Անդրադառնալով լուրերին, որ Արտակ Զեյնալյանը կարող է գնալ ՍԴ, Անի Խաչատրյանն ասաց. «Պարոն Զեյնալյանը ավագանու անդամ է, ՍԴ-ի անդամի ընտրություններ էլ հիմա չկան: Խոսակցություններ շատ կարող են լինել, ժամանակն էլ չգիտեմ՝ ինչ ցույց կտա, համեյանդեպս, այս պահին Արտակ Զեյնալյանը ավագանու անդամ է, մանդատը դնելու մտադրություն դեռ չունի: Ես չեմ կարող ասել՝ ինչ կլինի հետո, միգուցե պարոն Զեյնալյանը գնում է օրինակ ՀՀ վարչապետ»,-ասել է Խաչատրյանը:
