Չինաստանը Իսրայելին կոչ է անում ապաշրջափակել Գազայի հատվածը
ՄԱԿ-ում Չինաստանի մշտական ներկայացուցիչ Չժան Ջունը հայտարարել է, որ Իսրայելը պետք է վերացնի Գազայի հատվածի շրջափակումը և մարդասիրական օգնության ուղիներ բացի։
«Գազայի հատվածը 15 օր է՝ առանց լույսի և ջրի է, սպառվում են սննդամթերքն ու դեղորայքը։ Անվտանգության խորհուրդը պետք է միջոցներ ձեռնարկի Գազայի պաշարումը վերացնելու և օգնություն տրամադրելու անվտանգ ուղիներ ապահովելու համար»,- ասել է նա։
Չինացի դիվանագետի խոսքով՝ պաղեստինյան տարածքների անօրինական օկուպացիան պաղեստինա-իսրայելական հակամարտության հիմնական պատճառն է։ Ելքը ՄԱԿ-ի` երկու պետությունների ստեղծման ծրագրի իրականացումն է։
«Մենք Անվտանգության խորհրդին կոչ ենք անում հավաքական և հրատապ կերպով պատասխանատու միջոցներ ձեռնարկել և միաձայն ուղերձ հղել», - հորդորել է Չժան Ջունը:
