Ստոլտենբերգը նշել է Շվեդիայի ՆԱՏՕ-ի անդամ դառնալու ժամկետը
ՆԱՏՕ-ի գլխավոր քարտուղար Յենս Ստոլտենբերգը Դաշինքի անդամներին նամակ է հղել, որում ասվում է, որ Շվեդիան պետք է ՆԱՏՕ-ի անդամ դառնա ոչ ուշ, քան կազմակերպության ԱԳ նախարարների հանդիպումը, որը տեղի կունենա նոյեմբերի 28-29-ը, հաղորդում է Bloomberg գործակալությունը՝ վկայակոչելով Շվեդիայի կառավարության ներկայացուցչին:
«Ստոլտենբերգը մոտ մեկ շաբաթ առաջ նամակ է հղել ՆԱՏՕ-ի անդամ բոլոր պետություններին, որում ասվում է, որ Շվեդիան պետք է անդամ դառնա ոչ ուշ, քան ՆԱՏՕ-ի արտգործնախարարների հանդիպումը, որը տեղի կունենա նոյեմբերի 28-29-ը»,- ասված է հաղորդագրության մեջ:
Ինչպես նշում է գործակալությունը` ՆԱՏՕ-ի ներկայացուցիչը, սակայն, անմիջապես չի արձագանքել մեկնաբանություն տալու խնդրանքին:
